Murad Muradov

Həmtəsisçi, direktor müavini

Murad Muradov 2011-ci ildə Azərbaycan Respublikası Dövlət İdarəçilik Akademiyasının Beynəlxalq Münasibətlər üzrə bakalavr, 2013-cü ildə Azərbaycan Diplomatik Akademiyasının Diplomatiya və Beynəlxalq Münasibətlər üzrə magistr və 2015-ci ildə London İqtisadiyyat Məktəbində Müqayisəli Siyasət üzrə magistr proqramını bitirmişdir. O, 2017-ci ildə Con Smit təqaüdü proqramı da daxil olmaqla həm Azərbaycanda, həm də xaricdə bir sıra təlim proqramlarında, yay məktəblərində və təqaüdlərdə iştirak etmişdir. Onun tədqiqat sahələri postsovet ölkələrinin təhlükəsizliyi və geosiyasəti, Qərbi Avropa siyasəti və beynəlxalq siyasi iqtisadiyyatı əhatə edir.

Ayaz Rzayev

Tədqiqatçı

Ayaz Rzayev 2007-2011-ci illərdə Bakı Dövlət Universitetində beynəlxalq münasibətlər ixtisası üzrə bakalavr təhsili alıb. 2015-ci ildə İtaliyanın Bolonya Universitetində magistr dərəcəsinə yiyələnib. 2016-2019-ci illərdə Strateji Araşdırmalar Mərkəzində (SAM) elmi işçi, sonrada isə Beynəlxalq Münasibətlərin Təhlili Mərkəzində aparıcı məsləhətçi vəzifələrində çalışıb. Beynəlxalq təhlükəsizlik məsələləri üzrə ekspertdir.

Cavidan Əhmədxanlı

Ekspert

Cavidan Əhmədxanlı Ankara Universiteti Siyasi Biliklər Fakültəsinin (Məktəb-i Mülkiyə) Siyasi Elm və Dövlət İdarəetməsi ixtisasının məzunudur. Magistr təhsilini Azərbaycan Respublikası Prezident yanında Dövlət İdarəçilik Akademiyasında Dünya Siyasi Prosesləri ixtisası üzrə alıb. Strateji Araşdırmalar Mərkəzində (SAM) Türkiyənin daxili və xarici siyasəti üzrə ekspert kimi çalışıb. Araşdırma mövzularına Türkiyə, Yaxın Şərq və Şimali Afrika regionlarında baş verən siyasi proseslər daxildir.  

Simona Skotti 

Tədqiqatçı

Simona Skottinin əsas təcrübə sahələrinə Cənubi Qafqazın geosiyasəti, Azərbaycan və Ermənistan arasında müharibədən sonrakı proseslər, Türkiyə təhlükəsizlik siyasəti, İtaliya-Azərbaycan münasibətləri, enerji təhlükəsizliyi daxildir. O, Venesiyanın Ka Foskari Universitetində Beynəlxalq Münasibətlər üzrə magistr dərəcəsinə malikdir. Kolumbiya, Rusiya və Serbiyada mübadilə proqramlarında iştirak etmiş, Təhlükəsizlik Tədqiqatları və Siyasi Elmlər üzrə təhsil almışdır. Simonanın məqalələri bir çox beynəlxalq media orqanları tərəfindən dərc edilib.

Nigar Müzəffərova 

Tədqiqatçı

Nigar Müzəffərova Almaniyanın Tübingen Universitetində magistr təhsili alır. O, Dövlət İdarəçilik Akademiyasında bakalavr dərəcəsinə yeyələnmişdir. Data vizuallaşdırılması və Qafqazda iqtisadi tendensiyalar ilə yanaşı, Nigar həm də dünyadakı texnoloji yenilikləri yaxından izləyir.

O, 2019-2020-ci illər üzrə Gürcüstan əsaslı CAT proqramının, 2021-ci ildə Avrasiya Əməkdaşlıq Fondu tərəfindən təşkil olunan Münaqişə Məktəbinin, 2022-ci ildə Almaniyanın İnterlink Akademiyasının "Media və informasiya savadlılığı" proqramlarının məzunudur. 

Nigar gənclərlə iş sahəsindəki təcrübə ilə yanaşı, qeyri-formal öyrənmə metodları və sülh təhsili sahələrində layihə yazılması və koordinasiyası üzrə ixtisaslaşmışdır. Bundan əlavə, Nigar insan hüquqları təhsili, qeyri-formal öyrənmə metodları və sülh quruculuğu ilə bağlı bir çox təlimlər və konfranslarda iştirak etmişdir. 

Məhəmməd Məmmədov

Tədqiqatçı

Məhəmməd Məmmədov Bakı əsaslı beyin mərkəzi Topçubaşov Mərkəzində müstəqil ekspert olaraq fəaliyyət göstərir. O, həm də Xəzər Universitetində köməkçi müəllimdir.

Cənab Məmmədov magistr dərəcəsini Qlazqo və Tartu Universitetlərində tamamlayıb. Onun tədqiqat sahələri Azərbaycanın xarici siyasəti xüsusi diqqətə alınmaqla, enerji, əlaqə, postsovet məkanında geosiyasi və keçid dövrünün inkişafını əhatə edir. Onun məqalələri tez-tez bir sıra milli nəşrlərlə yanaşı, "Georgian Institute of Politics", "National Interest" və "New Eastern Europe" kimi beynəlxalq jurnallarda dərc olunur.