İlkin Axundlu

Məzun

İlkin Axundlu Dövlət İdarəçilik Akademiyasında iqtisadiyyat ixtisasında təhsil alıb. Maraq dairəsinə siyasi iqtisad, vergi münasibətlərinin tənzimlənməsi və qadınların səlahiyyətləndirilməsi mövzuları aiddir. 

Nigar Müzəffərova 

Tədqiqatçı

Nigar Müzəffərova Almaniyanın Tübingen Universitetində magistr təhsili alır. O, Dövlət İdarəçilik Akademiyasında bakalavr dərəcəsinə yeyələnmişdir. Data vizuallaşdırılması və Qafqazda iqtisadi tendensiyalar ilə yanaşı, Nigar həm də dünyadakı texnoloji yenilikləri yaxından izləyir.

O, 2019-2020-ci illər üzrə Gürcüstan əsaslı CAT proqramının, 2021-ci ildə Avrasiya Əməkdaşlıq Fondu tərəfindən təşkil olunan Münaqişə Məktəbinin, 2022-ci ildə Almaniyanın İnterlink Akademiyasının "Media və informasiya savadlılığı" proqramlarının məzunudur. 

Nigar gənclərlə iş sahəsindəki təcrübə ilə yanaşı, qeyri-formal öyrənmə metodları və sülh təhsili sahələrində layihə yazılması və koordinasiyası üzrə ixtisaslaşmışdır. Bundan əlavə, Nigar insan hüquqları təhsili, qeyri-formal öyrənmə metodları və sülh quruculuğu ilə bağlı bir çox təlimlər və konfranslarda iştirak etmişdir. 

Məhəmməd Mehdiyev

Tədqiqatçı

Məhəmməd Mehdiyev Topçubaşov Mərkəzində tədqiqatçı və İtaliyanın Milan Universitetinin Beynəlxalq Münasibətlər ixtisasının magistr tələbəsidir. Onun tədqiqat maraqlarına Şərqi Avropa və Yaxın Şərq dövlətlərinin siyasəti və tarixi aiddir. Topçubaşov Mərkəzindəki fəaliyyəti Qarabağ münaqişəsi, İran və Ukraynadakı müharibə mövzularına yönəlmişdir. O, həmçinin "Caucasus Edition"-un Tədqiqat İstiqaməti üzrə tədqiqatçısıdır və burada Cənubi Qafqazda münaqişədən sonrakı dinamikalara dair siyasət araşdırmaları aparır.

Məhəmmədin tədqiqat maraqlarına postsovet məkanının, xüsusilə Cənubi Qafqazın siyasəti və tarixi, eləcə də münaqişə və dövlətçilik dinamikaları və rəqəmsal xəritəçilik daxildir. O, tədqiqatlarını dəstəkləmək və təqdim etmək üçün orijinal kartoqrafik vizuallaşdırmalar da hazırlayır. Azərbaycan dili ilə yanaşı, türk, rus və ingilis dillərində sərbəst danışır, italyan dilini isə orta səviyyədə bilir.