Topçubaşov Mərkəzinin tədqiqatçıları Gürcüstanda təlimdə olublar

Topçubaşov Mərkəzinin tədqiqatçıları Gürcüstanda təlimdə olublar

4-8 mart tarixlərində Topçubaşov Mərkəzinin tədqiqatçıları Gülxanım Məmmədova və Şücaət Əhmədzadə Avropa İttifaqının "Stabillik və Sülhə Yardım" (IcSP) aləti tərəfindən maliyyələşdirilən "Bacarıqların artırılması və vətəndaşların iştirakı ilə sülh quruculuğu: Mərhələ 2” (PeaCE-2) proqramı çərçivəsində keçirilən "Təlimçilər üçün regional təlim" proqramında iştirak ediblər.

Proqramın tədris planı insan hüquqları, münaqişələrin transformasiyası və sülh quruculuğu təhsili üzrə ixtisaslaşmış bir qrup təlimçi və müəllim heyəti olan Sülh Elçiləri Gənclər Şəbəkəsi ilə ortaq şəkildə hazırlanmışdı. 5 günlük tədris proqramı iştirakçılara münaqişələrin transformasiyası və sülh quruculuğunun regional və beynəlxalq mexanizmləri ilə tanışlıqla yanaşı, onların təlimçi bacarıqlarını da inkişaf etdirməyə kömək etdi.