Gülxanım Məmmədova

Tədqiqatçı

Gülxanım Məmmədova gender tədqiqatları, sülh quruculuğu və münaqişələrin transformasiyası ilə məşğul olan tədqiqatçıdır. O, Azərbaycan Respublikasının Prezidenti yanında Dövlət İdarəçilik Akademiyasında Siyasi Elmlər üzrə bakalavr dərəcəsini (2015–2019), Ankara Sosial Elmlər Universitetində Sülh və Münaqişə Araşdırmaları üzrə magistr dərəcəsini (2019 – 2021) alıb. O, həmçinin 2023-cü ildə San Dieqo Universitetində münaqişə tədqiqatları və mediasiya üzrə sertifikat kursu keçib. Gülxanım təhsil aldığı müddətdə bir sıra təqaüdlərə layiq görülüb. O, "EU4Dialogue", "Corridors" və Münaqişə Məktəbi kimi dialoqlarda və gənclər layihələrində iştirak etmişdir. Gülxanım Con Smit Fondunun 2023-cü il üçün təqaüdçüsüdür və ATƏT-in "Sülh Sahəsində Qadın Liderliyi" Proqramının iştirakçısıdır. 

İbrahim Məmmədli

Təcrübəçi

İbrahim Məmmədli Estoniyanın Tartu şəhərində yaşayan müstəqil tədqiqatçıdır. Akademik fəaliyyətinə Azərbaycanın Dövlət İdarəçilik Akademiyasının Beynəlxalq Münasibətlər üzrə bakalavr dərəcəsi ilə başlayıb. Hal-hazırda o, Tartu Universitetində Beynəlxalq Münasibətlər və Regionşünaslıq (Avropa İttifaqı) üzrə Magistr dərəcəsində təhsilini davam etdirir. Onun tədqiqat maraq sahələrinə sülh tədqiqatları, münaqişələrin həlli və şəxsiyyətlər daxildir. Onun əsas tədqiqat marağı Qafqaz regionunda mürəkkəb ictimai-siyasi münaqişələrə, xüsusilə Ermənistan və Azərbaycan arasındakı dinamikaya yönəlib.