Məhəmməd Mehdiyev NATO-nun 2025-ci il Gənclər Sammitində iştirak edib
25–26 aprel 2025-ci il tarixlərində Topçubaşov Mərkəzinin tədqiqatçısı Məhəmməd Mehdiyev Monteneqronun Budva şəhərində keçirilən NATO Gənclər Sammitində iştirak edib. Tədbir NATO və Monteneqro Atlantik Şurası tərəfindən birgə təşkil olunmuşdur.
Sammit NATO və tərəfdaş ölkələrdən gəlmiş gənc liderlər, tədqiqatçılar və vətəndaş cəmiyyəti nümayəndələrini bir araya gətirərək müasir təhlükəsizlik çağırışları, dəyişən təhdid mühiti, Avroatlantik inteqrasiya və Qərbi Balkanlara dair regional məsələlər üzrə müzakirələrə ev sahibliyi etmişdir. Proqram çərçivəsində NATO Baş katibinin müavini Radmila Şekerinska və Monteneqro Prezidenti Yakov Milatoviç kimi yüksək vəzifəli şəxslərin çıxış etdiyi panel müzakirələri, şəbəkələşmə imkanları və mövzu üzrə seminarlar təşkil olunmuşdur.
