2-6 dekabr 2024-cü il tarixləri arasında Topçubaşov Mərkəzinin direktoru Rusif Hüseynov Avropa Birliyinin Qonaq Proqramı (EUVP) proqramı çərçivəsində Brüsseldə səfərdə olub. Səfər zamanı o, AB-nin müxtəlif qurumları, əsasən Avropa Parlamenti və Avropa Komissiyasında Cənubi Qafqaz və xüsusilə Azərbaycan ilə məşğul olan məmurlarla görüşlər keçirib. Bundan əlavə, NATO-nun Baş Ofisini və Brüsseldə yerləşən bəzi beyin mərkəzlərini də ziyarət etmiş Rusif Hüseynov həmsöhbətləri ilə regional mövzuları və əməkdaşlıq məsələlərini müzakirə edib.
Mərkəz Azərbaycan siyasətçisi, diplomat və mütəfəkkir Əlimərdan bəy Topçubaşovun (1865–1934) adını daşıyır.








