5 mart tarixində Böyük Britaniya Xarici İşlər Nazirliyinin rəsmiləri - Cənubi Qafqaz sektorunun müdiri Maykl Kokl (Michael Cockle) və baş mütəxəssis Cennifer Tobias (Jennifer Tobias) Topçubaşov Mərkəzini ziyarət ediblər. Fikir mübadiləsi zamanı tərəflər Cənubi Qafqazda mürəkkəb təhlükəsizlik dinamikası, Azərbaycanla Ermənistan arasındakı sülh danışıqları, Böyük Britaniyanın regiondakı maraqları və digər regional və qlobal məsələləri müzakirə ediblər.
Mərkəz Azərbaycan siyasətçisi, diplomat və mütəfəkkir Əlimərdan bəy Topçubaşovun (1865–1934) adını daşıyır.








